---নিয়ৰসনা দুৱৰিৰ মাজত মোক নিবিচাৰিবা--

নিয়ৰসনা দুৱৰিৰ মাজত
মোক নিবিচাৰিবা
নিবিচাৰিবা মোক
তৰাৰ আঁৰত ..

মই আজিকালি
ঠিকনাবিহীন,
স্বাধীন মানুহ ..
বেলিতো যেতিয়া
ম্লান হৈ পৰে,
ধূলিত যেতিয়া
ঠিকনা বিচাৰে
ঘৰমুৱা মানুহবোৰে,
কুৱলিৰ মাজত
নিজক লুকুৱাই
বহি থাকো
কুছি মুছি
আন্ধাৰৰ আৰত..

আন্ধাৰ মোৰ
নতুন ঠিকনা!
আন্ধাৰত সকলো সমান
হাঁহিও আৰু
হইতো বিষাদো
মই আৰু
হইতো তুমিওঁ..

এটা কথা হলে
এতিয়াই কৈ থওঁ
মই নাথাকো আজিকালি
তোমাৰ হৃদয়ত ..
এতিয়া মুকলি মই
এজাক বতাহৰ দৰে,
এজাক তৰাৰ দৰে..
এখন আকুল
আকাশৰ দৰে ..

নিয়ৰসনা দুৱৰিৰ মাজত
মোক নিবিচাৰিবা
মোক নিবিচাৰিবা
তৰাৰ আঁৰত...