Thursday 5 June 2014

---পাগল---

তাই হাঁহিছিল...
তাৰ নিৰস পৃথিৱীখনত
তাই জোনাক সিচিছিল..

তাই হাঁহিছিল...
তাৰ নিৰৱ সপোনবোৰে
প্রাণ পাই উঠিছিল..

তাই হাঁহিছিল..
সি জীৱনক বিচাৰি
হাবাথুৰি খাইছিল ..

তাই হাঁহিছিল..
সি দুঃখবোৰক
দুহাতেৰে ঢাকিছিল ..

তাই হাঁহিছিল..
তাৰ দুচকুত
তেতিয়াহে সুৰুজ নামিছিল ..

তাই হাঁহিছিল..
তাৰ উশাহত তাই
জীৱন সানিছিল ..

তাই হাঁহিছিল..
তাৰ হৈ
সদাই যে
তায়েই হাঁহিছিল ..

তাই নোহোৱাৰ পৰা
দেখোন সিওঁ হাঁহে
মাথোন হাঁহে ..

তাৰ হাঁহিবোৰত
জীৱন নাই
নাই সি
আৰু নাই তাই ..

মানুহে তাক
পাগল বুলি মাতে
সি হ'লে
আজিও হাঁহে ..

No comments:

Post a Comment