Saturday 14 February 2015

----দেৱতা---

আশাৰ ওলোমা দলঙখনত 
শুই থাকে সকলো
জীৱনে কাৰোবাক 
চুই যায় ...
কাৰোবাক জোকাই যায় ..
এনেকৈয়ে ভাল
লাগে আমাৰ..
আমি যে মানুহ !
দেৱতাৰ দৰে
আমি মৃত্যুৰ অভাৱত
চটফটাই নাথাকো ..
আমাৰ বাবে
জীৱন মাথো
এটা নতুন দিন,
সূৰুজৰ সাতোটা ৰঙেৰে
ৰঙীণ হোৱাৰ কিছু
অবান্তৰ আশা ..
আৰু মৃত্যু ?
মৃত্যু তাতকৈও সহজ !!
আমি যে মানুহ !
আমি দেৱতা
নহয় দেৱালৰ ..
পূজাৰ অৰ্ঘ্য
আমাৰ কাম্য নহয়
এমুঠি আশাত
বন্দী হৈ
পাৰ কৰো
প্রতিটো প্রহৰ
অলপ আন্ধাৰ
অলপ পোহৰ...
আমি যে মানুহ !
আমি দেৱতা
নহয় দেৱালৰ ..

No comments:

Post a Comment