নতুন সময়..

লাহে ,লাহে
মনে ,মনে
নিশ্চুপে নিতালে আহি
নতুন সময় আজি
পদুলিত ৰয়..
স্মৃতিৰ জোলোঙা ভৰাই
অতীতে বিদাই মাগে
আজি যে নতুন সাজ
পিন্ধাৰ সময়..

ধূসৰিত অতীতৰ
বুকুত সোঁৱৰণি হৈ
কিমান আপোনে আজি
মিছিকিয়াই কয় ..
মানুহৰ সুখবোৰ
বেদনাৰ নিশা ঘোৰ
জোকাব অতীতে তোক
নতুন সাজত ..
তই যে নতুন আজি
নতুন সময় !!

আশাৰ হেঙুল সানি
নতুন সুৰুযে আজি
কুৱলিৰ ওৰণি ফালি
তোক জুমি চাই ..
তই অহা বাটেৰে
শান্তিৰ নিজৰা বওক
সুখবোৰে জিৰণি লওঁক
বুকুত সদাই ...