Tuesday 26 March 2013

এইযে ৰঙবোৰ...
সিহঁতে কঢ়িয়াই ফুৰে 
মনৰ বতৰা ...

নীলা আকাশখনৰো 
ওফোন্দ ভাগে ...
ৰঙীন হয় বলিয়া বতাহ

সুখৰ ৰঙাবোৰে 
ঢাকি ধৰে 
দুঃখৰ কলাক...
এদিনৰ বাবে হলেও ...

মনৰ খিৰিকিবোৰ খুলি
মুকলি হয় সকলো ...
ফৰকাল হৈ পৰে
মলিন হৃদয়...

বান্ধি ৰখা মনবোৰে বিচাৰে
মুকলি অম্লজান ...
আৰু এখন
মুকলি আকাশ ...
বৰষুণৰ পাছৰ
মুকলি আলিবাটতোৰ দৰে ...

এইযে ৰঙবোৰ...
আপুনিও চতিয়াই লওক
পাহৰি যাওঁক সকলো ...
পোৱা নোপোৱাৰ গণিত
নিৰাশাৰ হুমুনিয়াহ
নষ্ট গধূলি আৰু
বন্ধ সময়বোৰ ...

মুঠতে সকলো
এদিনৰ বাবে হলেও ...

No comments:

Post a Comment