সাজুনে?

সন্তুষ্ট নে?
সন্তুষ্ট নে আমি...
এখন ৰুগ্ন সমাজ
হতাশ যৌৱন
আৰু নষ্ট শৈশৱ
হাতত লৈ...
সন্তুষ্ট নে?
একতাৰ বান্ধোন খুলি
স্বাধীন নে আমি ?
বাৰতা মাহৰ পিছত
ফুলৰ থোপাৰে
ঠগো নেকী
নিদ্রাৰত মহাত্মাক ?

তেজৰ লগত
মিহলি হৈ
গল দূর্নীতি
আমি এখন
ৰোগক্রান্ত সমাজৰ
অজীর্ণ উপজ ..
সলনি হবনে সময়?
এই উদাসীনতা
কিমান দিনলৈ?
কিমান দিনলৈ
এই বিলাসীতা ...
কিমান দিনলৈ
বিজ্ঞাপনৰ লগত
বিক্রী হব
মানুহৰ আবেগ ...

উন্নতিৰ জখলাবোৰ
উৱলি যোৱাৰ
অপেক্ষাত বহি আছো
নেকী আমি ?
এই অপেক্ষা
কিমান দিনলৈ ..
কিমান দিনলৈ ..
স্থগিত হৈ ৰব
স্বাধীনতাৰ স্বপ্ন
যিবোৰ অঁকা হৈছিল
তেজৰ কৰালেৰে ...
সপোনবোৰ যে
বৃদ্ধ পেঞ্চন লৈ
বহি আছে মৰিশালীত ..

কিমান দিনলৈ
তেজৰ ফাকুত
হেৰাই থাকিব
জীৱনৰ ৰঙ...
এখন সমৃদ্ধ,শান্ত  
সমাজ লাগে ..
স্বার্থবোক পিণ্ড দি
এবাৰ মুকলি
হব লাগে
সাজুনে আমি ...

সাজুনে?