Saturday 31 August 2013

দুঃখ

দুঃখ নকৰিব...
দুঃখ কৰাটো
প্রয়োজনীয়ও নহয়
আপোনাৰ চকুপানীবোৰটো
বিনামূলীয়া নহয়
যেনেকৈ বিনামূলীয়া নহয়
আপোনাৰ আবেগ ...

আপুনি যদি
চকুপানীত জীৱন বিচাৰে
মোৰ আপত্তি নাই ..
কিন্তু আপুনিও জানে,
আপোনাৰ দুঃখৰ কাৰণ
আপোনাৰেই সুখ ..
এদিন সুখী আছিল আপুনি
আপোনাক লাগে
সেই সুখৰ আবৃত্তি
আপোনাৰ দুঃখবোৰ
আচলতে আপোনাৰেই সুখ..

বেয়া নাপাব ..
বেচিকৈ কথা কওঁ
অভ্যাস মোৰ  ..
যেনেকৈ আপুনি
বিচাৰি ফুৰে
পৰি ৰোৱা সুখ
সৰাপাতৰ মাজত

দুঃখী মানুহবোৰ
পচণ্ড নকৰো মই
যেনেকৈ সুখী মানুহবোৰে
পচণ্ড নকৰে মোক..
এনেকৈয়ে পাৰ হয় সময় ..

মাত্র দুঃখী নহব ..
দুঃখী হোৱাটো
প্রয়োজনীয়ওটো নহয় ..

No comments:

Post a Comment