----তুমি ----

তোমাৰ দুচকুত এজাক

ধুমুহা নামিছিল
এখন নদীয়ে তাতে
বাট হেৰুৱাইছিল
উটি ভাহি হেৰাই গৈছিল
বাউল সময় ..

মোক নুসুধিবা ...
মইতো কোৱা নাছিলো
হৃদয়ৰ কথা শুনা,
প্রেমৰ এখন
নীলা আকাশ আঁকা,
বিচাৰি ফুৰা তাত এজাক
সুখৰ পখিলা ..

আৰে!!
হেৰুৱাবাই সকলো..
প্রেম মানেইটো
সৰ্ব্বস্রান্ত হোৱা
প্রেম মানেইটো
নিজক বিলাই দিয়া ..
প্রেম মানেইটো
আবেগৰ এখন
ভগা জপনা ...
ঢল নামে তাত..
বৈ থাকে বেদনাৰ
বাঢ়নি পানী ..

তথাপি প্রেমত
পৰা তুমি
তথাপি সাহসী তুমি
তথাপি লাগে তোমাক
মৰমৰ ৰঙেৰে ৰঙীন
বৰ্তমান আৰু ভৱিষ্যতৰ
এখন ধুনীয়া ছবি ..

এনেকৈয়ে থাকা তুমি..
তোমাৰ দুচকুত আজিও
একেই ধুমুহা..
ভালপোৱাৰ পোহৰে আৱৰা
এখন ৰঙা কলিজা ...

এনেকৈয়ে থাকা তুমি..