~~~~অভাৱ আছে বাবেই~~~~~

অভাৱ আছে বাবেই 

সুখত থাকো আমি..
সপোন আছে বাবেই 
বিচাৰি ফুৰো
য'তে ত'তে
আশাৰ কণিকা ..

অভাৱ আছে বাবেই
দুঃখৰ বৰষুণজাকত প্রায়েই
জুৰুলি জুপুৰি হওঁ ..
নোপোৱাৰ ভিৰত
হৃদয়ৰ টুকুৰা বিচাৰি
চলাথ কৰো
গোটেই চহৰ ..
সুখত হাঁহো
আৰু দুঃখতও ..
ভালপাওঁ জীৱনক
আমনি লগাকৈ !!
অভাৱ আছে বাবেই...
ৰৈ থাকো অকলে
পোহৰ হোৱালৈ..

কাৰোবাক ভাত লাগে
কাৰোবাক মৰম ..
কাৰোবাক ৰ'দ লাগে
কাৰোবাক বতাহ..
অভাৱ আছে বাবেই
ভগৱান জীয়াই আছে ..
অভাৱ আছে বাবেই
আন্ধাৰ নিশাও জ্বলে
আশাৰ শলিতা ..
অভাৱ আছে বাবেই
ভাল পাই জোনটোৱে
উদাস ধৰাক ...
অভাৱ আছে বাবেই
সাৰে আছে এতিয়াও
এজাক তৰা ..

অভাৱ আছে বাবেই
আগবাঢ়ো আমি
অভাৱ আছে বাবেই
সুখত থাকো আমি..
অভাৱ আছে বাবেই
বিচাৰি ফুৰো
য'তে ত'তে
আশাৰ কণিকা ..