নিসংগ নিশাক ন'কবা 
মোৰ কথা ..
খেদি ফুৰে সি 
বলিয়া কৰে সি 
কিমান শুনিবা আৰু 
ভগা হিয়াৰ 
উদাস হুমুনিয়াহ !

আন্ধাৰ বুকুত বান্ধি
কিমান পলাম আৰু
কিমান সলাম সঘনে
নিজৰ ঠিকনা ..
ধেমালী কৰো কেতিয়াবা
জোকাও এনেকৈয়ে
উদাস,আন্ধাৰ
এখন কলিজাক..

দুচকু জপাই
হিচাপ কৰো ..
আন্ধাৰ সৰহ ক'ত?
ভিতৰত নে বাহিৰত ..
ভিতৰত কলীয়া
মেঘৰ হাহাকাৰ
আৰু বাহিৰত?
বাহিৰতো মেঘেই এতিয়া..
বৰষুণ দিব হ'বলা!
ভিতৰতো আৰু
বাহিৰতো ..

নিসংগ নিশাক ন'কবা
মোৰ কথা ..