Saturday 26 April 2014

----উন্মনা এজাক জোনাক---


উন্মনা এজাক জোনাক.. 
নোজোকাবা সিহঁতক 
শুই আছে উলাহত 
শুকুলা ডাৱৰৰ 
কোলাত সোমায় ..
উন্মনা এজাক জোনাক.. 

থৰ হৈ 
নাচাবা তেনেকৈ
হিয়া গ'লি যোৱাকৈ..
হেৰাব লাজত,
হেৰাব পোহৰৰ
আঁচল তলত ..
এইহেন লাজুকী জোনাক!
চোতালত বহি আছে
উন্মনা এবুকু জোনাক..

মোৰ কথা
নালাগে মানিব
মই হেনো মিছলীয়া!
মোৰ কথা
নালাগে শুনিব
মই হেনো
নোৱাৰো চিনিব..
নিজেই জুমি চোৱা
এবাৰ মাথোন চোৱা
চোতালত বহি আছে
উন্মনা এজাক জোনাক..

No comments:

Post a Comment