আই তোলৈ
মনত পৰে ..
টোপনিবোৰ শুকুৱাই
যেতিয়া গ্রাহকক বিলাও
গৰম চাহৰ পিয়লা
তেতিয়া..
আই তোলৈ
মনত পৰে ..
গালিৰ শব্দত যেতিয়া
পুৱাৰ টোপনি ভাগে
আই তোলৈ
মনত পৰে ..
পাহৰিছো লাহে লাহে
তোৰ আলফুল
হাতৰ পৰশ ...
পাহৰিছো লাহে লাহে
তোৰ চেনেহৰ আচল ..
তোক যে আজিকালি
দেখো মাত্র সামাজিকত !
তোৰ দুগালত
তেতিয়াও দেখোন
জিলিকে নিমখীয়া
পানীৰ সোঁত !
ঠিক পিতাই
নোহোৱাদিনাৰ দৰেই...
ভালে আছনে তই ,
ভালে আছেনে ভনী ?
আই তাইলৈও
মনত পৰে..
তহঁতৰ কথা ভাবিলে
ভাল লাগে
এই কদৰ্য হোটেলখনো..
মইযে যুজি আছো
আন্ধাৰ নেওচি
এমুঠি পোহৰৰ আশাত..
তাকে ভাবি আন্ধাৰবোৰও
ভাল লাগে..
মানুহবোৰে মোক
"পোৱালী " বুলি মাতে..
সিহঁতেটো নাজানে
মই যে
"পোৱালী" নহয়!
মোৰ ফটা চোলা
মোৰ শুকান দেহা
তথাপি মই "জোন"..
মই তোৰ
আকাশৰ একেটা জোন ...
আই তোলৈ
মনত পৰে ..
ভালে আছনে তই ?
No comments:
Post a Comment