--নাচাবা তেনেকৈ ...

-
নাচাবা তেনেকৈ ... 
মই জানো , 
মোৰ বুকুত 
এদিন তুমি 
এঙাৰ হৈ 
জ্বলিবা .. 
উশাহ হৈ 
প্রবাহিত তুমি
প্রতিটো প্রহৰ ,
কি আন্ধাৰ,
কি পোহৰ ..
নাচাবা তেনেকৈ ...

আজিও তুমি
অচিন সাঁথৰ..
তোমাৰ হাঁহিৰ অম্লজানত
মই বেদনা পাহৰি
উশাহ খামুচি ধৰো
পুনৰ উভতি আহো,
পাৰ হওঁ
ঘোপ মৰা আন্ধাৰ
আৰু জঠৰ ডাৱৰ ..
নাচাবা তেনেকৈ ...

নাচাবা তেনেকৈ
ম'ন যায়
উশাহ ল'বলৈ..
মই জানো ,
মোৰ বুকুত
তুমি এঙাৰ হৈ
জ্বলিবা ..
মোৰ উশাহত
তুমি প্রেৰণা হৈ
উমলিবা ..
স্নিগ্ধ জোনাক হৈ
ৰৈ থাকিবা
মোৰ আকাশত
দুঃখৰ কজলা নিশা ..
নাচাবা তেনেকৈ ...

নাচাবা তেনেকৈ ...