তাক বুজাওঁ, প্রায়েই বুজাওঁ

তাক বুজাওঁ,
প্রায়েই বুজাওঁ
নুবুজে সি ...
অপলক চাই থাকে
নিৰৱ তৰাক
আজি যে জোনটো
ডাঙৰকৈ ওলাইছিল
সি নাচি উঠিল ..
প্রায়েই হাতখন খামুচি
ধৰি ৰাখো তাক
আজি এৰি দিলো
সি দেওঁ
দি দি
ভাগৰি পৰিল
নিস্তব্ধ ভাগৰে
যেতিয়া আৱৰি
ল'লে তাক
সি টোপনী গ'ল
মোৰ বুকুতে লুকাই
মোৰ বুকুত
সপোন লুকুৱাই
সি এনেকৈয়ে
প্রায়েই টোপনি যায়..

অবাধ্য সি ,
নুশুনে মোৰ কথা
তথাপি আমি
একেলগে থাকো
সি মোৰ স্পন্দন
সি মোৰ
সপোনৰ সহচৰ...
তাৰ সপোনৰ কাৰেঙত
মই মোৰ
ঘৰ বান্ধো
তাক জগাই
বাৰে বাৰে
সোধো মই
জীয়াই আছোনে সঁচাকৈ
আছোনে জীয়াই ?

তাক বুজাওঁ,
প্রায়েই বুজাওঁ
নুবুজে সি ...