নিজকে বিচাৰো বলা ..

নিজকে বিচাৰো বলা ..
বলা,দুচকু জিলিকাই
আঁকি লওঁ
একোটা সপোন.. 
বলা, তৰাৰে 
লিখি লওঁ 
এই সপোনবোৰ 
হেৰাই নোযোৱাকৈ..

যত যাত্রাবোৰ 
শেষ হয়
যত সময়ে
জিৰণী লয়
যত এদিন
মই মোৰ
দৰে হম আৰু
তুমি তোমাৰ দৰে
তাৰ পৰাই
ঘূৰি চাম
সময়ে পাহৰাব নহলে
তুমিতো জানাই
ইমান ভিৰ আজি
নিৰুপায় হৃদয় ..

পাহৰি যোৱাৰ আগতেই
বলা,লিখি থওঁ
জোনাক থাকোতেই
সপোনে মাতোতেই
বলা,লিখি থওঁ
তুমি জানো নাজানা
কিমান সপোন হেৰাল
কিমানে কান্দিলে উচুপি
কিমানে ওফোন্দ পাতে
অতীত সুঁৱৰি ..

বলা নিজকে বিচাৰো
সপোনবোৰ তৰাৰে
লিখি লৈ,
বলা আকৌ ..