Monday 30 December 2013

অই মন

বতাহে জোকাই 
যাই চা ,
তোক আৰু মোক... 
অই ম'ন ,
ব'ল না 
সপোন এটা বিচাৰো ..
এটা ধুনীয়া সপোন ,
কোনেও নজনাকৈ ... 

কি ক'লি, 
আমনি লাগে তোৰ ?
মই আমনিহে
কৰিছো তোক!
মই মনে মনে
বহি থাকো যেতিয়া ,
তেতিয়াতো তোৰ কথাবোৰ
মনে মনে শুনো...
তই কি বিচাৰ
মই নাজানো!
ব'ল না
সপোন এটা বিচাৰো ..
দিনৰ পৃথিৱীত
তোৰ কথাবোৰতো
শুনিব নোৱাৰো সদায়,
তই দেখোন জানই...
এতিয়া মাথো তই
আৰু মই...
কোনেও নুশুনে আজি
আমাৰ কথা
ব'ল না
সপোন এটা বিচাৰো ..

তই কোৱাৰ দৰেই
শেষত সকলো
ভাল হ'ব
তই বুজুৱাৰ দৰেই
পাৰ হ'ম
আন্ধাৰ পাহাৰ
পাহাৰতোৰ সিফালে
মোলৈ বাট চাব
এবুকু আশাই
আশাবোৰ বুকুত
বান্ধি এদিন
সুখী হ'ম মই ...
ভাল লাগিছে
আৰু ক' না
কোনোবা আহিবই এতিয়া...

কি ক'লি ?
কালিলৈ ক'বি
নাপাহৰিবি কিন্তু !
কালিলৈ য'দি
মই মোৰ নিচিনা
হৈ থাকো
তোৰ কথা
আকৌ শুনিম,
তোৰ কাষলৈ
আকৌ আহিম ...

অই ম'ন ,
ব'ল না
সপোন এটা বিচাৰো ..

No comments:

Post a Comment